常溫至溫燗清精選
最近春天氣溫涼涼地，凍冰冰嘅清酒又頂唔到，熱飲又太辣口，路仍必須酒的店小二推薦各位酒友可以以常溫至溫燗（20℃-40℃）嘅溫度品飲清酒。
首先介紹一下清酒不同嘅品飲溫度：
30℃ 日向燗
35℃ 人肌燗
40℃ 溫燗
45℃ 上燗
50℃ 熱燗
55℃ 飛切燗
製作「燗酒」嘅最方便做法，可以用「水浴法」，將清酒放入酒壺入面隔著熱水加熱，加上溫度計就可以啦。
一般清酒加熱後，感覺上甜度會增加，風味會變得更加豐富，清酒加熱後旨味會加強。所以，唔少米味、旨味重嘅清酒都適合暖飲，或者生酛系清酒、古酒都可以常溫或者暖飲。
【福耳 純米酒 無濾過原酒 】
成品用咗減農藥同埋合鴨農法方式自社栽培山田錦釀製而成，加上喺長野縣安曇野地區嘅優良氣候中低溫熟成經過低溫貯藏24個月以上，帶有濃郁米味、旨味，風味成熟複雜，酒體醇厚，餘韻悠長，常溫飲用米味柔和，順滑。熱飲香醇濃郁，鮮味十足。
【風の森 ALPHA5 燗SAKEの探求 2023】
以產自奈良正曆寺的天然乳酸菌同天然酵母所造成嘅「菩提酛」釀造，還原最原始、來自室町時代嘅清酒味道。除咗使用菩提酛，酒造更喺釀造過程中加入左10年古酒同ALPHA5以往嘅version ，令成品層次更加複雜。酒造建議30°C-45°C飲用，無濾過生原酒加熱時會分解清酒入面嘅碳酸，形成二氧化碳氣泡。所以加熱生酒係一個好有趣舒壓嘅過程黎。
【福源 純米酒 無濾過原酒 生】
雖然分類為純米酒，但精米步合卻高達59%的吟釀級數，成品同樣用咗減農藥同埋合鴨農法方式自社栽培山田錦釀製而成，加上喺長野縣安曇野地區嘅優良氣候中低溫熟成經過低溫貯藏18個月以上，加上用左少見嘅生酒熟成做法，令生酒味道更加有層次、突出，熟成果香之中帶有烘烤果仁、蜂蜜、米飯等等香氣，入口濃郁、圓潤，常溫、甚至係熱飲更加可以突出堅果類香氣同旨味。
【日置櫻 時の匠 純米 長期熟成酒】
酒造混合了6年至10年熟成以「玉榮」米釀成的純米出品而成，古酒風味澎湃。清酒在經過長時間常溫熟成中，會出現一種名為梅納反應（Maillard Reaction）的化學作用，清酒中的糖份和胺基酸會轉化成啡黃色的化合物，所以熟成時間愈長，清酒顏色會愈深，酒質除左會變得圓潤之外，風味上旨味會加強，香氣上會出現焦糖、堅果、黑朱古力等熟成類香氣。介乎20°C-40°C品飲一流。
